Davao de Oro – Usa ang patay, 6 angol sa nahitabung panagbangga sa usa ka van ug pick-up sa may National Highway sa Barangay Tagnanan, Mabini, Davao de Oro.
Giila ang biktima kinsa sakay sa pick-up nga silas Marissa Jabuhab Villamor, 43 anyos, Reynaldo Catayoc Villamor, 56 anyos ug mga anak nga silas Riza Joy, 20 ug Reynaldo Jr., 13 anyos samtang ang mga sakay sa van giila usab nga silas Ronald Aguilon Monday driver, Rey Ann Sondanon, 36 anyos ug Felix Silatan Ticudo, 24 anyos nga pulos residente sa Caraga, Davao Oriental.
Sumala sa report, Nadala pa sa balay tambalan ang mga biktima apan gideklarang dead on arrival si Riza Joy.
Base sa imbistigasyon, pareho ng nagsubay ang duha sa highway ang pick-up ug van padulong sa Pantukan, Davao de Oro nga direksiyon dihang nabangga sa van ang likod sa pick-up.
Sa karon, dali usab nga nahusay ang incident ug gikumpirma nga sa tag-iya sa van nga akubahon ang tanang gasto sa namatay nga biktima. (Camille Santos Naraga)
(Source: Mabini MPS | PIO PRO-XI)