Cagayan De Oro City – Panaghuot karon sa Lumbia City Jail nga ngakahatag risgo sa infection sa Covid-19 sa mga piniriso ug personahe sa maong prisohan ang gipangitaan sa solusyon. Usa ka panagtigom tali ni City Mayor Oscar Moreno ug mga sakop sa Cagayan de Oro City Police Office o COCPO.
Matud sa mayor, sa maong sitwasyon ang unang mahunahunaan mao ang pag-expand sa jail facilities alang sa pag-accommodate sa mga piniriso apan gusto niya nga tutukan ang long term solutions ug dili lamang band aid solutions. Maoy hinungdan nga gimando gilayon ni Moreno ang pagpahigayon sa ocular inspection aron masayran ang kondisyon sa mga priso sa mga pacilidad niini.
Nasayran nga wala na gani natuman ang physical distancing sa bilangguan. Sa pagka karon, gisugilon usab ni City Health Officer Dr. Lorraine Nery nga nanghatag na sila sa face masks ug mga vitamins apil na ang health surveillance aron mamonitor ang mga sintomas sa pagka karon. Apil na usab sa karisgo ang exposure sa Covid-19 sa mga jail guards, dugang pa ni Nery.
Ang problema sa ka-overcrowded sa bilanggoan nasinati na kanhiay bisan wa pa ang Covid-19 pandemic ug gani pa man gibutyag ni Mayor Moreno nga tulo ka jail officers ang ilang gi-quarantina sa temporary treatment and monitoring facility. Sila ang authorized persons outside residence (APOR) ug maayo na lang kay hingpit na kining nakarecover, konpirmar pa sa mayor.
Gawas sa city police tigumon usab ni Moreno and City Prosecutor’s Office, executive judges ug Integrated Bar of the Philippines aron sa pagsagop sa long term strategies and solutions. (City Information Office)