Luwas nga nadala dinhi sa Surigao City an 22 ka mga mananagat human kini madisgrasya didto sa kadagatan dapit sa Bay-ang, Brgy. Doña Helen, Socorro, Surigao del Norte kahapon Nobyembre 3, 2020 pasado alas 3 sa hapon.
Sumala pa ni Commander Lawrence Roque sa Philippine Coast Guard, miresponde sila sa tawag gikan ni Mrs. Gemma Navarro nga may fishing boat nasunog. Kaiban an CDRRMO sanan Emergency Medical Services sa Surigao City, gidala sa hospital an napulo ka samdon nga mga mananagat lakip an ila kapitan nga si Erwin Jumawan, 40 anyos nga taga Bayawan City, Negros Oriental tungod sa grabeng pasô sa lawas. Ang 12 ka kaubanan ang anaa karon kasamtangang gipapuyo sa ila ni Gemma Navarro.
Sumala sa imbestigasyon nga gisaysay ni Commander Roque kaina sa Radyo Ronda Balita, an tanan sakay nangambak ug gibiyaan an nagkalayo nga Fishing Motorbanca Jhieron Jay 88. Swerteng nalabyan ug giluwas sila sa laing panagatan nga Lovedel.
Nagsugod an disgrasya dihang nayab-an sa gasolina an karburador ug didto miulbo ang kalayo.
Please watch the video of the incident below courtesy of CoastGuard Surigao del Norte:
(Mark James Lisondra, Ronda 21 RPN DXKS Surigao, photos courtesy of City PIO)