Panabo City, Davao Del Norte – Gipang-bakunahan ang mga Persons Deprived of Liberty (PDL) sa BJMP Panabo City. Una nga gipangbakunahan sa Panabo City Health Office (CHO) ang mga PDL nga A3 o kadtong dunay mga sakit kun persons with comorbidities.
Dako usab ang pasalamat ni Panabo City Mayor Jose E. Relampagos ingon man usab ni Senior Jail Officer 1 Henry Aguisando nga usa ka Registered Nurse sa Panabo City District Jail ngadto sa CHO ug sa Vaccination Team ilabi na ang mga PDL nga nahatagan ug kahigayunan nga ma-prayoridad sa gobyerno nga mahatagan ug proteksyon bisan sila naa sulod sa selda.
Ang pagbakuna sa mga PDL, usa ka dakong kahigayunan alang sa ilang proteksyon sa panglawas labi na nga gipangandaman sa BJMP ang pagbalik sa face-to-face visitation sa ilang mga pamilya.
Gibutyag sa BJMP Panabo City, 100% sa mga PDL ang pursigido nga magpabakuna kontra COVID-19. Mukabat na usab sa 58 ka mga PDL ang nabakunahan na sa CHO.
(Source: Panabo City LGU)