- Advertisement -
Davao City – Tanggong usa karon ang katukuran sa Samal Island-Davao City Connector (SIDC) Bridge Project human nga ang pamilyang Rodriguez mipasang-at og Temporary Restraining Order (TRO) sa Supreme Court.
Ang balita gipahibali ni DENR-Davao regional director Bagani Evasco atol sa regular session sa Davao City Council Martes, Mayo 16.
Sumala kay Evasco, nga Pebrero 23 gipasaka sa kampo sa mga Rodriguez ang kaso.
Way gihatag nga dugang impormasyon samtang nagpadayon ang pagdungog sa kaso.
Kahinumduman nga daw nabuhian og kinabuhi ang kadaghanan human nga gipangunahan mismo ni Presidente Ferdinand Marcos Jr., Oktubre sa nakalabay nga tuig ang groundbreaking ceremony alang sa P23.4-billion nga tulay. (Camille Santos Naraga)
(Source: DPWH XI)
- Advertisement -