31.8 C
Manila
Sunday, April 14, 2024

Pagtaas sa kasong dengue sa Surigao city, gikaalarma kuman sa mga Surigaonon

- Advertisement -

Kabalaka ang gibati kuman nan mga Surigaonon sa nagkataas nga kaso sa dengue dinhi sa syudad nan Surigao diin adunay nay 700 dengue positive cases ug 4 ka mga individual ang nangamatay basi sa gipagawas nga statistics nan City Health Office.

Matud pa ni Hazel Dehayco ang usa sa mga nurse nan CHO nga sa buyan sa  Nobyembre sanan Desyembre nitaas ang kaso sa dengue sa dakbayan. Si Hazel Dehayco ang Nurse nan CHO.

Sumaya isab ni CHO officer Dr. Benjielita Notada nga bisan pa ug mo deklarar sila nan outbreak waya kini mahimo aron masulbad ang maong problema. Gihangyo nija ang 54 ka mga Punong Barangay sa syudad nga ipasabot sa mga katawhan sa ilang barangay ang resposibilidad sa  makanunayong pag panglimpyo sa palibot aron malikayan ang dengue.

Giawhag isab ni Surigao City Mayor Pablo Yves L. Dumlao II ang mga Surigaonon nga magtinabangay aron dili na madugangan ang kaso sa dengue sa syudad. Gihagit isab nija ang tanang mga Purok chairman aron sa pag monitor sa mga katawhan sa pagpang limpyo sa ilang mga lugar. Si Surigao City Mayor Pablo Yves L Dumlao.

Gipakaylap isab kuman ang 4S kontra dengue nga programa nan Department of Health, sa kini ka preventive tips sa tanan para iwas dengue.  (Ronda 25 Rhoda Mae O. Sacro, photo courtesy of Surigao City PIO Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -