Usa ka mahinungdanong aktibidad ang malampusong napatigayon ning dakbayan sa Dipolog ,kini giisip nga usa ka espesyal nga adlaw nga tunong sa bulan sa Marso nga mao ang World Kidney Day, kini napahigayon niadtong Marso 9 ning kasamtangang tuig, didto sa Dipolog Sunset Boulevard.
Ang maong aktibidad tipik nga gisaulog sa Zamboanga del Norte Medical Center (ZNMC), Hemodialysis Unit,ug sa kooperasyon sa Ospital ng Kabataan Dipolog Inc.,inabagan sa Corazon C. Aquino Hospital.
Atol usab sa maong kalihokan misalmot ang dul-an sa 200 ka mga partisipante alang sa Color Fun Run nga nilundtad sa 3km ug 6km, diin ang starting and finish line point, sa landmark mao ang Explore Dipolog ug kini nga inisyatiba pinaagi sa RIOT ZanDiDap.
Gihimug-atan niini nga aktibidad mao ang screening sa kahimsog, ug kampanya sa edukasyon nga nakatutok sa kahimsog sa kidney,ug alayon niini ang pag pataas sa kahibalo, bahin sa kamahinungdanon sa kidney ug ipakaylap ang maayong mensahe sa World Kidney Day.
Sa paghinapos sa nasangpit nga aktibidad,ang mga organizers ngadto sa Kumon Malvar kauban ang Cor Jesu Seminary nipadadyag sa ilang pagpasalamat sa dakong suporta sa malampusong pagsaulog sa World Kidney Day ning probinsya sa Zamboanga del Norte (Medalyn U. Borja)
(Source: Nena Garcia via PIC | Provincial Government of Zamboanga del Norte)