Nagpabilin ang rekomendasyon sa Philippine Medical Association nga ipadayon pa ang pagpatuman sa nightly curfew, liquor ban ug ang “no movement Sundays” sa General Santos City, karong tibuok bulan sa Agusto.
Giasoy ni PMA-GenSan president, Dr. Butch Peñamante nga dili angay’ng magpakampante ang city government ug publiko sa padayong bahad sa coronavirus, atubangan usab sa hulga sa Delta variant sa Covid-19.
“Base doon sa data na nakukuha natin, katulad kahapon, 81 na naman ang nag-positive. Ibig sabihin, mas mabuti nga kung stringent pa ang policy natin eh,” ang tipik sa pamahayag sa opisyal
Una nang gipalawig sa National-IATF ang general community quarantine (GCQ) status sa siyudad ug tibuok Soccsksargen area.
Nasayran usab nga taman lamang July 31 ang sakop sa naunang mga executive orders ni City Mayor Rivera nga nagpatuman sa mga health measures sa siyudad.
(John Rey Somido)
