Cebu City – Giawhag sa Police Regional Office o PRO-7 ang mga organizer sa Sinulog Festival 2021 nga dili ipadayon ang giplanong mga kalihokan bisan pag sagad niini ipaagi sa virtual o sa internet.
Atubangan sa mga reporter, si Lt. Col. Glenn Mayam, pangu sa Operations Management Division sa PRO 7, mipahibawo nga ilang girekomendar sa Regional IATF o Inter-Agency Task Force ang pagdili sa pagpahigayon sa Sinulog Festival karong buwana.
Gipasabot ni Mayam nga bisan paghimoon ang festival virtually, nabalaka sila tungod kay ang performance maisip man nga mass gatherings.
Sa sayo pa, gipahibawo sa SFI o Sinulog Foundation Inc. ug sa kagamhanang local ngamahinayon ang Sinulog Festival taliwa sa hulga sa coronavirus disease.
Gani, nahukman man nga ibalhin ang showdown sa festival sa SRP o South Road Properties aron mahilayo sa publiko ug kini maisip nga pagbuak sa dugay-dugay nang tradisyon sa pagpahigayon niini sa Cebu City Sports Complex.
Apan giangkon ni Mayam nga wala makiglambigit sa PNP ang mga organizers sa pagdesidir sa ingon.
Sa pikasbahin, walayproblemasaPRO-7 ang pagpadayon sa kasaulogan sa Pista Senyor ilabi na kay gikanselar na ang tanang kalihokan sa gawas ug motutok lang sa misa-nobena.
(Jhon Tadlip/JTY, photos courtesy of Lt. Col Mayam-PRO-7 | Vice Mayor Rama’s Facebook account)
(Source: Police Regional Office-7)