Mismo si Surigao City Mayor Ernesto U. Matugas, Jr. an namahayag sa posibilidad na kaapektuhan nan inin kahadlok sa 2019 New Corona Virus/2019 nCov an pagpahigayon sa 3rd International DragonBoat Competition na tag takda sa Abril 17-19, 2020.
Sa amo na competition tagpaabot unta an pag entra nan may upat ka Dragon Boat Teams gikan sa China, lakip an iban pa gikan sa iban kanasuran. Ini tungod sa strikto kuman na pagpatuman nan mga regulasyon sa pagsuyod sa nasud nan mga turista o bisan ra gani mga balikbayan.
Hinuon tagpaklaro ni Mayor Estong Matugas na bisan sa ini na sitwasyon paningkamutan pa gihapon na madajon an pagpahigayon sa inin nahimo na nga tinuig na event, bisan kun mga lokal ra kan na mga dragon boat teams an makapartisipar. (Jhino Parrucho, Ronda 10 RPN DXKS)