Gisugyot ni Konsehal Jocelyn Rodriguez sa syudad sa Cagayan de Oro ang pagpalabang sa usa ka ordinansa nga mag-institutionalize sa Department of Public Works and Highways (DPWH) sa pagplano, pagreview ug pagpatuman sa drainage system ug anti-flood control projects. Mao kini ang gihingusgan sa konsehala dugtong sa kanunay nga pagbaha sa national ug city-maintained roads panahon sa makusog nga ulan, dinhi sa syudad. Nagtuo si Rodriguez nga kon dili kini hatagan sa pagtagad, magpabiling mag-antus ang katawhan niini.
Sa iyang report sa konseho, si Councilor Rodriguez magsugilon nga ang gisugyot niya nga ordinansa nga mao ang Cagayan de Oro Flood Advisory Council nagtumong sa pagpanalipod sa kinabuhi ug sa panglawas sa katawhan, pagharmonize sa drainage system ug flood control projects sa syudad sa Cagayan de Oro ug sa DPWH, pagseguro sa epektibo ug eficienteng paggamit sa public resources aron pagminimize sa alkanse nga gihatud sa pagbaha ug aron kapugngan ang paggasto sa mga useless nga flood control projects. Ang proposal Council mao ang responsible sa pagmugnag mga palisiya ug ang pagreview sa mga programa may kalambigitan sa drainage system alang sa nahisgutang katuyuan.
Kini pagalangkoban sa Mayor isip chairperson, DPWH Regional Director ( Co-Chair), City Vice Mayor (Vice- Chair) ug ang chairman sa City Council Committee on infrastructure, CEO Department Head, CPDO Department Head ug City Administrator isip mga miyembro.
Ang maong konseho nag-advocate usab alang sa transparency ug accountability sa pagpatuman sa maong mga proyekto, pagconduct sa konsulatasyon uban sa publiko ug uban pang stakeholders.
Sa pagkakaron, ang maong proposed ordinace ang girefer pa sa committee on public works sa city council alang sa tukmang aksyon. (Sangguniang Panlungsod)