Pagkatap Sa Covid 19 Sa Dakbayan Sa Sugbo Gihulagway Nga Paingon Na Sa Recovery

0
13

Cebu City- Dili na matawag og epicenter ang Cebu City sa coronavirus disease o Covid 19 sa nasod sukwahi niadto.

Mao kini gipadayag ni environment Sec. Roy Cimatu, ang giilang overseer sa Cebu IATF o  Interagency Task Force, tungod sa iyang nakitang pagminos na sa bag-ong mga nataptan ug sa nangamatay sa virus sukad sa pagpaubos sa GCQ o general community quarantine sa siyudad.

Matod pa ni Cimatu, ang pag-us-os sa death rate, nga anaa na lang sa usa ngadto sa duha matag adlaw ug pagdailos sa bag-ong mga kaso hangtod na lang sa double digit sukad sa kataposan sa Hulyo nagtimailhan nga paingon na ang dakbayan sa recovery.

Nagkanayon ang kalihim nga dihay higayon nga nagpuli-puli ang NCR o National Capital Region ug Cebu City sa pag-una sa gidaghanon sa mga gipang-covid apan karon dayag nga mipatighug na ang siyudad ug misaka sa NCR.

Sa nasayran, gi-downgrade ang Cebu City sa GCQ niadtong Hulyo 31 samtang ang Metro Manila gibalik sa MECQ sugod gahapon.

Alang ni Cimatu, usa sa hinungdan sa paghagsa sa mga kaso sa Covid 19 sa siyudad mao ang hugot nga pagpatuman sa quarantine protocols.

Malamposon usab ang pagsalga sa IATF sa sitwasyon. l via Jhon Tadlip/ JTY

 

(Source: Cebu IATF)

Leave a Reply