Cagayan de Oro – SUBLING nanawagan ang City Social Welfare and Development – Oro Processing and Response Center ning panahon nga nagkaduol na ang kapaskohan nga motawag sa ilang mga hotlines kung aduna’y makita nga magpakilimos sa kadalanan nga mga bata o hamtong.
Sila matawagan sa numerong:
(Daytime: 6 am -6 pm) 09107504957 and 09082484401
(Night time: 6 pm – 6 am) 09309869030 and 09702872060
CSWD ORPC Admin: 0956-637-8550
Pwede usab motawag sa pinakaduol nga police stations.
Gipasabot ni OPRC Head Norhidaya Hadji Sarip nga ang dili paghatag og limos sa kadalanan gituyo alang sa kaluwasan sa tanan, ilabina sa mga gagmay’ng kabataan nga gigamit lamang sa ilang mga ginikanan panahon nga magpakilimos.
Dugang katuyoan niini nga malikayan ang traffic hazard ug krimen nga gakahitabo kung dili mohatag og limos sama sa pag-harass sa mga manglilimos ug pag-garas sa mga sakyanan, pasabot ni Sarip.
Nasayran nga aduna’y centers ug institutions ang CSWD diin pwede modonar kung ikaw interesado sama sa:
• Boystown Center – catering abused/abandoned male minors
• Home Care for Girls – catering abused and CICL female minors
• Golden Home Residential Care for Elderly – catering abandoned elderly
• Bahay Pag-asa – catering CICL male
• Mother Teresa Oro Care Center for Children- catering street children
• Oro Pahulayan Shelter – catering stranded and homeless individuals
Alang sa dugang kasayuran, mamahimong mag-message sa ilang mga textlines o kaha sa fb page: Oro Response and Processing Center Information