Pagharang ng Chinese coast guard sa Greek oil tanker sa Panatag shoal hindi dapat ikabahala ng mga Pilipino —Malacañang

Naniniwala ang Malacañang na walang dapat ikabahala ang Pilipinas sa panibagong ulat ng panghaharass ng Chinese coast guard sa isang Greek oil tanker na pinatatakbo ng ilang tripulanteng Pilipino sa Scarborough shoal noong Oktubre.

Ayon kay Presidential spokesperson Salvador Panelo, hindi barko ng Pilipinas ang sasakyang pandagat na nasangkot sa insidente.

Iginiit ni Panelo, reponsibilidad na ito ng bansang nagmamay-ari sa naturang barko.

Aniya, walang dapat ikabahala ang bansa hangga’t walang tinatakot o nasangkot na barko ng Pilipinas sa insidente.

Tiniyak din ni Panelo na hindi makakaapekto sa pagtalakay ng pagbuo ng draft ng Code of Conduct hinggil sa pinag-aagawang South China Sea.