Tuloy-tuloy na ang paghahanda sa implementasyon ng Philippine Identification System (PhilSys).
Ito ang tiniyak ng Philippine Statistics Authority (PSA) kung saan on track anila ang paggulong ng strategic blueprint para sa PhilSys.
Ayon kay PSA National Statistician at Usec. Dennis Mapa, posibleng sa kalagitnaan ng taong 2020 ay maikakasa na ang mass registration na inaasahang makukumpleto naman sa kalagitnaan ng taong 2022.
Kahapon, nagsimula nang isagawa ng PSA ang pilot test registration sa maliit na bilang ng mga indibidwal mula sa NCR.