Davao City – Apektado sa baha ang walo ka mga baranggay sa Davao City tungod sa kusog nga pag-ulan.
Ang giingong apektadong mga baranggay mao ang Talomo Proper, Catalunan Pequeño, Matina Aplaya, Bago Gallera, Maa, Bago Aplaya, Baliok ug Brgy Sto Niño sa Tugbok District.
Sumala ni Ezzra James Fernandez, operations assistant sa Davao City Disaster Risk Reduction and Management Office (DCDRRMO), nga lagpas tao ang lebel sa tubig-baha human miapaw ang tubig sa Lipadas River.
Dugang niini, nga gawas sa urban flooding, nasinati sab ang street flooding nga miresulta sa pagka-stranded sa mga sakyanan.
Sa gihimong assessment sa Rapid Damage Assessment and Needs Analysis (RDANA) sa lokal nga kagamhanan miabot sa 5,803 ka mga pamilya ang apektado sa baha gikan sa Talomo District ug Tugbok District. (Camille Santos Naraga)
(Source: DCPO)