Pagadian: Usa ka sundalo patay, human naaksidente sa Banisilan, North Cotabato!

0
9
(Photo credits to the owner)

Kabsan sa kinabuhi ang usa ka sundalo human gi-atake sa seizures ug nibangga ang gimaneho niining motorsiklo daplin sa karsada sa Barangay Poblacion 2, Banisilan, Cotabato.

Giila ang AFP member nga si Pvt Reymark Sabate, 27 anyos, minyo, residente sa Midsayap, Cotabato ug nakadestino sa army/caa detachment, Pob 1, Banisilan.
Sigon pa ni Banisilan PNP Town Chief PMajor Exelon Bona, nga on duty ang nasangpit nga sundalo ug samtang nagsakay kini sa iyang motorsiklo nga usa ka Raider Fi balik sa detachment, walay swerte kining naaksidente sa dapit hitabuan.

Nadala pa sa balay tambalanan si Sabate apan nabugtuan kini sa hinulamang kinabuhi.

Nagsubo karun ang pamilya sa biktima, higala ug tropa niini.
Nasyran, nga adunay anak ang sundalo nga wala pay tuig ug mag-inusara nalang kining atimanon sa iyang asawa. (Ernest Villariza)

Leave a Reply