Dakung sawa ang nakita sa mga residente sa Barangay Sta. Felomina, Dipolog City

0
16
photo courtesy by Angelica T. Obina

Usa ka dakung Sawa or Halas ang nadakpan sa mga residente sa Purok Bayanihan, Barangay Sta. Felomina kaganihang kadlawon sa may alas 3 sa kapin kun kulang Abril 14, 2024.

Matud pa sa mga residente taud-taud gayud nila makuha ang maong halas tungod kay kusgan kini ug ilabihan usab ka daku, hinungsan nga galisod sila sa pagdakup niini.

photo courtesy by Angelica T. Obina

Sumala pa sa pagdakup nahukman sa mga residente nga huktan ug packing tape ang baba sa maong halas ug gisulod sa sako para iturn over sa hingtundan buhatan sa DENR-CENRO, pero sa ilang pagsubay karong buntag patay na kini.

Sa pagkakaron nahukman sa mga residente nga ipahibalo sa gihapon sa hingtundan buhatan sa DENR-CENRO para sa tukmang disposasyon sa maong halas. (Angelica T. Obina)

Leave a Reply