Sa tagpahigayon na 1st semester Payout para Social Pension for Indigent Senior Citizens Program, nakadawat na ang 8,318 ka mga senior citizen gikan sa 54 ka mga Barangay nan siyudad.
Sa 8,598 ka mga Indigent Senior Citizens sa siyudad, 280 ka mga seniors pa ang waya maka-claim sa ila social pension kay kuyang ang ila mga requirements sama sa authorization ug uban pa.
Personal na taghasod mismo sa mga lain lain na barangay ang ila social pension na gipangunahan nan City Social Welfare Development sa pagdumaya ni CSWD Officer Lenie Liray sanan mga social workers nan CSWDO.
Para sa 1st Semester Pay-Out, nakadawat ang mga Seniors nan P6,000 kada isa.
Padajon sab ang lain lain na programa sa City Government sa panguna ni Mayor Pablo Yves L. Dumlao II para sa mga senior citizens.
Nagpasalamat ang mga beneficiaries nan ini na programa nan Department of Social Welfare and Development (DSWD) kay dako ini na tabang para sa ila mga panginahanglanon sa matag adlaw. Makapamalit na sila nan tambay, maintenance nila, sanan makabisita sa doctor para sa ila checkup. (Mark James Lisondra)
(Source: Surigao City PIO FB Page)
