Midsalip, Zamboanga del Sur – Nakaplagang naligo sa kaugalingong dugo ang upat ka mga biktima sa Pagpanigbas pasado alas kwatro karung hapon, Abril 18, nga nahitabo sa Purok 3, New Katipunan, Midsalip, Zamboanga del Sur (ZDS).
Ang mga biktima naila nga sila si LOLIFER ZAMORA UDARBE, 33 anyos, JULIETA ARAPON ALIGO, 26 anyos, ELNA MAE A. UDARBE, 7 anyos ug ELJUNE A. UDARBE, 5 anyos, pulos lumulupyo sa Purok 3, Brgy New Katipunan, Midsalip, ZDS.
Base sa report sa kapulisan, alas 4:20 sa kahaponon mireport sa buhatan Ang usa ka nakakita nga si MARIO DEMOCIR BALIAO, brgy official sa maong lugar nga nkita ang mga patay nga lawas sulod sa ilang panimalay.
Sa initial mga imbistigasyon nasayran nga ang biktima nga si LOLIFER UDARBE nanalod ug tubig sa gawas nga bahin, duol dapit sa ilang balay Ug matud pa gitigbas kini sa wa pa mailang suspek.
Sunod usab matud pa nga gitigbas usab Ang ubang biktima sa sulod mismo sa ilang panimalay. (ReneBoy)
