Pagadian City- Kasamtangang Gipahigayon karon ang unang Political Forum sa Local nga kandidatora dinhi sa lalawigan sa Zamboanga del Sur Abril 9 2022, sa mga buot magpapili sa umaabot May 9 2022 elections
Kini nga forum ang gi organisar sa Chamber of Commerce ECON-BIZ kaabag ang Zambonga del Sur-Pagadian Press Inc (ZSPPI), Kapisanan ng mga Brodkaster ng Pilipinas (KBP) ZDS chapter, ilawom sa pagtugot sa COMELEC kon Commission on Election.
Sama sa mga nakita sa National television, Ang maong forum, duha ka bulan sab nga gi prepara aron mahimong hapsay ug tunhay ang mahimong pagsala sa mga local nga kandidato nga buot magpapili sa umaabot piniliay.
Gihimong patas ug walay dinapigan nga giimbitar ang matag kampo. Tulo sa mga kandidato ang nakatakdang musalang sa entablado alang sa mas tin.aw ug klaro nga tinguha sa pagdagan. Ang Team Yu, ang kasamtangang administrasyon nga gipangulohan ni Gov. Victor Yu, Team Pusong Arangkada Asenso, sa pagpanguna ni Jun Pacalioga kinsa magpapili pagaka Gobernador ug Team BUCG nga gipamunuan ni Former Governor Aurora Cerilles.
Hisayran nga una ng mibalibad ang kampo sa BUCG sa rason nga nakahambin na ang ilang schedule alang sa gipahigayon nga mga Rally sa matag munisipalidad. Duha ang mi commit sa maong panagtigum ang Team Yu ang team Arangkada Pusong asenso.
Apan, taliwas sa unang giingon, ang Team Yu ang Napakyas sa Pagtambong sa pinaka ulahing minuto. Bugtong ang kampo lamang sa Arangkada Pusong asenso ang madasigon nga wala mipakyas sa saad nga mutambong sa maong panagtigum.
Bisag usa lamang ka kampo ang mitambong, gisugdan ang pagsala sa mga kandidato pinaagi sa mga pangutana nga giandam. Nahimong init ug mabungahon ang diskusyon niini.
Ang organiser sa maong forum usa ka Non Partisan group ug patas ang pag inform ug pag disseminate sa mga impormasyon. Wala kiniy gidapigan apan gi respeto niini ang katungod sa mga kampo sa pagbalibad o pag atras sa among kalihukan.
Ang seguridad sa tibuok panagtigum giabagan sa 53rd Infantry battalion, P.A.
Alang sa kinatibuk.an nga hisgutanan, Makita ang live fb footage sa mga media outlets nga present sa maong aktibidad.
Via Licsy Sanico
Photo courtesy of Lance Co