Tungod sa dakong suporta ni Gov. Victor J. Yu sa sustainable programs sa lalawigan partikular sa aquaculture, gipadayag sa pipila ka mga negosyanteng Indonesian ang ilang interes sa pagtukod og bangus hatchery dinhi sa Zamboanga del Sur gamit ang Indonesian protocol aron maka-produce og bangus fry para sa Mindanao.
Ning bag-uhay pa lamang, nag courtesy call ang grupo ni Sutedjo Wibowo, CEO/tag-iya sa Bali Milkfish Hatchery sa Bali, Indonesia ug Dendy Pramadya Aribowo, ang Hatchery Production Manager, ngadto kang Gov. Yu kauban si Cong. Divina Grace Yu aron hisgutan ang mga proseso sa pagtuman sa maong partnership tali sa Zamboanga del Sur PLGU ug sa kompanya.
Sumala ni Sir Bobby Arcenal, ang senior aquaculturist sa Provincial Agriculture Office, gibisita nila kauban ang Indonesian partners ang mga coastal municipalities sa Tabina ug Vincenzo Sagun, Labangan ug Tukuran aron mosusi og eksaktong lugar diin ipahimutang ang bangus hatchery. Plano usab nilang bisitahon ang Dimataling, Lapuyan ug Dumalinao sa musunod nga higayon.
Segun sa team nga naaghat sila sa pag establisar sa bangus hatchery dinhi sa Zamboanga del Sur tungod kay nakita nila ang matinud-anong suporta ni Gov. Yu kauban sa mga mayors ug barangay officials may kalabutan sa aquaculture.
Giisip usab kini nga welcome development sa probinsya ilabina para sa mga fisherfolk nga usa sa gitagaan og pagtagad sa administrasyon ni Gov. Yu.
(Source: Victory Zamboanga del Sur Facebook page)