Patay ang usa ka lalaki human kini giatangan ug gipusil sa duha ka mga wala nailang suspek sakay sa single motor karong buntag Abril 01, 2024 sa mismong boundary sa tulay sa Bagalupa ug Langapod, Labangan, Zamboanga del Sur
Ang biktima giila nga usa ka nag ngalan ug Vejil TeporaTayactac,gibana-banang kapin kon kulang, 30-anyos, residente sa Purok Lakatan, Langapod, Labangan, ZDS.
Ang adunay duha ka igo pinusilan sa ulo, partikular sa agtang ug dughan niini.
Matod pa sa igsoon sa biktima nga si Jie2x mga alas 5:30 ang takna sa buntag Abril 1, 2024 ang biktima ang padulong unta kini mo trabaho sa construction sa Pagadian sakay sa iyang Honda xrm nga color pula combination itom ug sa dihang patungas na kini sa gikan sa tulay ug igo lang gyud naka tongtong sa Bagalupa kalit lang matod pa kalit kining gipusil sa mga suspetsado gamit ang wala pa masayri nga calibre sa armas.
Matod pa sa mga nakasaksi nga unang gipusil ang biktima sa dughan nga bahin niini ug sa dihang natumba na kini ang giduol pa kini ug gipusil na usab sa agtang nga bahin nga maoy hinungdan sa iyang hinanali nga kamatayon.
Dali gyud dayon nga misibat ang mga suspek sakay sa wa matino nga single motor paingon sa sentrong bahin sa Bagalupa.
Nagpahigayon na ug makoting imbestigasyon ang kapulisan sa Labangan MPS aron sayran ang hinungdan sa maong insidente ug aron sa posibleng pag ila sa mga suspetsado. (Amy Duyag)
(Source: Bright Channel)
