Nadakpan sa mga tinugyanan sa kapulisan sa pagpanguna ni PEMS Michael A. Viajar ang duha ka high school level ug duha ka menor de edad human gikawat ang tricycle color green Yamaha STX125 nga may temporary plate no. 152010, body no. SC 1969 human giparada sa gawas nan bayay sa tricycle driver nga si Julieto Baybay Mojar, 63 anyos, residente sa Purok Philvocs, Brgy. Washington, SC.
Nakilay.an ang mga suspek nga sila ni Janlouie Enao Guarte, 23 anyos, high school level, Jhansent Gemao Hingpit, 20 anyos, high school level ug laing duha ka menor de edad nga parehong 17 anyos.
Sa imbestigasyon sa kapulisan nasayran nga human midangop ang negosiyanting si Teresa Alac Mordeno kinsa residente sa Purok Pag asa, Brgy. Canlanipa ug ang tricycle driver nga si Julieto Baybay Mojar, 63 anyos, residente sa Purok Philvocs, Brgy. Washington, SC nihimo sila ug follow up operation.
Matod ni Julieto Baybay Mojar nga ija nadawat ang impormasyon gikan sa ibang traysikol driver nga ang ija traysikol/unit nakit-an pasingod sa Arellano District nga direksiyon. Human nadawat ang sumbong sa Intelligence Operative nga pinangulohan ni PEMS Michael A Viajar iban ni Julieto Baybay Mojar niadto sila sa Arellano District. Sa pag-abot sa Purok 5, Barangay Balibayon, Surigao City, gipunting ni Mr. Mojar ang gikawat nga traysikol nga nagpasingod kompirmadong ija adto. Gigukod sa mga operatiba ug nadakpan ang mga suspek.
Mag atubang sa kasong paglapas sa RA no. 10883 kon Carnapping o Motornapping ang duha ka suspek nga high school level hampan ang duha ka menor de edad ang jaon sa kustodiya sa WCPD ug jaon kuman sa kustodiya sa Surigao City Police Station. (Mark James Lisondra)
