Dumalinao, Zamboanga del Sur – Usa ka feeding program alang sa mga kabataan ang malampusong gipahigayon didto sa Brgy Malisik, Dumalinao, Zamboanga del Sur karong adlawa, March 27, 2022.
Kini nga aktibidad ang gipangunahan sa JHI OMEGA PHI FRATERNITY AND SORORITY OMEGANS 1947 RHO OMEGA Dumalinao chapter sa pagpangulo sa ilang chapter organizer ug chapter President nga si REYMOND FUENTES ABIERA, kaabag ang mga maabtikon nga mga myembro niini.
Malipayon nga nagsalo salo ang mga kabataan kauban ang mga higala. Makita sab sa mga mata sa mga bata ang kalipay sa simple apan mahinungdanon nga aktibidad.
Manggipasalamaton usab ang tag barangay sa maong feeding program tungod kay talagsaon ra kini nga higayon ug napili ang ilang brgy sa mabungahon nga kalihukan.
Layon niining maong programa nga maipakita sa katilingban nga ang fraternity dili lamang para sa panag.igsuonany (brotherhood/sisterhood) apan bukas sab sa pakighiusa alang sa kaayuhan ug kalambuan sa komunidad. (Taskie, photos courtesy of JHI omega PHI- Dumalinao chapter)
