Pagadian City – Gipatin-aw ni Mayor Co, nga wala pay mando ang pangagamhanang lokal sa syudad kabahin sa “No Vaccination Card, No entry sa Dakbayan.” Mao kini ang gipa klaro sa Amahan sa syudad human mikunayap ang mga huhungihong nga dili daw matud pa makasulod sa sentro ang mga indibidwal nga wala pa mabakunahi.
Dugang pa sa Mayor, nga dili pa kini mapatuman sa pagkakaron tungod kay wala pa mahuman ang vaccination ug ongoing pa kini. Busa padayon ang pag awhag sa lokal nga pangagamhanan karon sa katawhan nga magpabakuna dili tungod lamang kay mando kini kundili aron mahilikay kita sa grabeng epekto sa virus isip proteksyon usab sa atong kaugalingon ingon man sa katilingban. #NoToFakeNews
(Bingo Villahermosa, photo courtesy of RPN DXKP Pagadian)