Dead on arrival ang gikatahong bokalista sa usa ka reggae nga banda nga “Binhi sa Lasang” human kini gipusil sa wala mailhing suspetsado sa dihang pauli na unta kini gikan sa iyang performance sa 420 reggae festival kagabie, Abril 20, 2024 sa Baywalk, Salay, Misamis Oriental.
Giila ang biktima nga usa ka ” Ras Orly”, hingkod ang pangidaron ug bokalista sa banda.
Sigon sa taho, samtang nag-andam na ang banda uban ang biktima paingon pauli gikan sa ilang performance sa nasangpit nga dapit, kalit kining gipusil sa ulo sa wala mailhing gun man.
Nadala pa sa balay tambalanan ang nasangpit nga bokalista apan gideklara kining dead on arrival.
Hustiya karun ang singgit sa mga kauban sa biktima lakip na usab sa mga kauban niining performer tungod sa dili tawhanong krimen.
Nagpadayon pa karun ang gihimong imbestigasyon sa mga awtoridad aron masayran ang motibo ug responsable sa maong pagpamusil.