Gipahigayon ang ribbon cutting ceremony ug blessing para sa mobile primary care facility nga gikan sa national government adlawng Martes, Oktubre 29 sa pagpanguna ni Gov. Victor Yu, Cong. Divina Yu ug ZDSMC Chief Dr. Natzky Cagampang.
Ang Zamboanga del Sur usa sa mga unang recipient sa maong project nga maghatag og healthcare services sama sa libreng laboratory services, libreng radiologic services, libreng tambal ug libreng konsultasyon ngadto sa katawhan ilabina sa mga gitawag og geographically isolated and depressed areas.
Pormal kining gidawat ni Gov. Yu kaniadtong September 20 sa Manila North Harbor.
Ang mobile PCF usa ka coaster van nga adunay xray machine ug airconditioning units, gisangkapan og mga lain-laing laboratory machines, ultrasound machine, refrigerator alang sa mga tambal, consultation table ug patient bed.
(Source: Victory Zamboanga del Sur Facebook page)