Mapahimuslan na sa mga kabataan ang bag-o ug hamugaway nga school building sa Tapian Elementary School sa Tapian, San Miguel, Zamboanga del Sur human gipahigayon ang blessing ug ribbon-cutting ceremony niini adlawng Biernes, Disyembre 20.
Ang maong school building nagkantidad og P20milyones ug adunay 4 ka classrooms diin gipondohan kini sa Department of Education pinaagi sa congressional allocation.
Gitambongan ni 2nd District Cong. Victoria Yu, Governor Victor Yu ug 1st District Cong. Divina Grace Yu ang mahinungdanong seremonya kauban si San Miguel Mayor Ex D. Ocapan.
Gikalipay pag-ayo sa mga residente ilabina sa mga magtutudlo ug ginikanan ang natukod nga classrooms nga dako’g kahimoan sa pagkat-on sa kabataan sa nasangpit nga lugar.
(Source: Victory Zamboanga del Sur Facebook page)