Siocon, Zamboanga del Norte – Patay sa pagpamusil ang mag-amahan samtang nangatulog lamang daplin sa baybayon sa Dulongin Beach, Sitio Dulongin, Barangay Matiag, Siocon, Zamboanga Del Norte.
Ang biktima naila nga sila si Romel Abenido, 54 anyos, Driver gepusil igo sa liog ug dughan samtang si Ruben Earl Abenido 25 anyos, anak sa driver ug mao usab ang truck man naigo usab kini sa dughan pareho kining byahedor og isda ang mga biktima residente sa Barangay Sta.Clara lungsod sa Naga, Zamboanga Sibugay.
Sa inisyal nga imbestigasyon sa Siocon Municipal Police Station. Kining mga biktima nangatulog lamang sa ilang duyan samtang gapahuway ug kalit lamang kining giduol sa wala mailhing suspek ug walay pagduha-duha kining gipamusil. Ang insidente nahitabo alas 2:25 sa kadlawon, Marso 12, 2024.
Human sa krimen, gilayon misibat ang mga wala pa nailhing suspek ug narekober sa crime scene ang upat ka basiyo sa bala sa caliber .45 nga pistola samtang blanko pa ang mga kapulisan sa identity ug motibo sa pagpamusil. (RPN DXKP Pagadian – Bogs Cabungcag)
(Source: Dapitan City Concerns & Updates)