Lapuyan, Zamboanga del Sur – Tumang pagmahay ang gibati sa usa ka amahan human niya matigbasi ang kaugalingog anak, gabie, Abril 6, 2022 didto sa Barangay Mahalingeb Lapuyan, Zamboanga del Sur. Ang dinakpan naila sa pangalan nga Eno Mahasimpit Sr. Moli, hamtong ang pangidaron ug lumulopyo sa naasoy’ng dapit.
Base sa impormasyon nga nakalap, Nag inom lamang si Mahasimpit Sr. ug tuba sulod sa ilang lawak dihang gitagayan sab niini ang anak. Dihang mi epekto na ang espiritu sa alak, gikanayon nga mibunot ug hinagiban ang suspek ug nangumesta sa katagay nga anak nga mag dwelo dwelo apan pagwara wara niini sa sundang, aksidenteng natigbasan hinuon ang agtang sa anak. Dihang nakita ang Sitwasyon sa anak, nagpangayo ug tabang ang suspek samtang naghilak diin dali gilayon nga gi-respondihan sa kasilinganan.
Alas 10 kagabie, misurender ang maong suspek ug gi-turn over ni Guben Mengo Jr, ang kapitan sa maong Barangay ngadto sa Lapuyan Police station para sa tukmang disposasyon. Nakatakda kining mag atubang ug kaso, paglapas sa RA 9262. (Sam Bandara)