Gi-surrender sa mga residente sa Maguindanao del Sur ngadto sa battalion headquarters sa 33rd Infantry Battalion kon 33IB sa Philippine Army ang mukabat sa 36 ka mga loose firearms.
Ang naasoy nga pag-turn-over bunga sa pagpaningkamot sa municipal local government unit o MLGU sa Shariff Aguak, Shariff Saydona Mustapha, Datu Abdullah Sangki, Mamasapano, Radjah Buayan ug Sultan sa Barongis sa probinsiya sa Maguindanao del Sur.
Ang gi-surrender nga mga armas gilangkuban sa duha ka Cal. 30 Sniper rifles, usa ka 40mm RPG launcher, lima ka 40mm M79 Grenade Launchers, duha ka 40mm M203 Grenade Launchers, Cal .30 M1 Garand rifle, Cal .30 M1 Garand rifle, Cal .30 Carbine rifle, duha ka 12-gauge Shotguns, 11 ka 9mm Submachine Guns, duha ka Cal .45 Submachine Guns, unom ja Cal .38 pistols ug usa ka Cal .45 pistol.
Ang naasoy nga mga armas gipresenta atubangan ni 601st Brigade Commander Brig. Gen. Oriel Pangcog ug mga personahe sa local government units.
Nagpadayon usab ang Western Mindanao Command sa pagsiguro sa kahapsay ug pagpalig-on sa decisive military operations o DMOs ug civil-military operations o CMOs sa western, southern ug Central Mindanao.
(Source: Daily News Pagadian)