Cagayan de Oro – Magpabilin ang deklarasyon sa state of emergency sa dakbayan sa Cagayan de Oro hangtud anaa pa ang hulga sa Cagayan de Oro Bulk Water Incorporated kon COBI, pamahayag ni Mayor Rolando ‘Klarex’ Uy atol sa pagpakayab sa nasudnong bandila sa city hall Lunes sa buntag.
Gani man, gisugyot sa mayor nga gikinahanglan ang usa ka ‘neutral independent third party’ aron makatabang pagsulbad sa nagpadayong kagubot tali sa Cagayan de Oro City Water District (COWD) ug COBI.
Ang giingon ni Mayor Klarex nga ‘third party’ mao ang local chapter sa certified public accountants dinhi sa syudad o’ kaha ang grupo sa mga retiradong huwes nga makatabang pagpangita’g kasulbaran sa problema.
Una ang gipadayag ni Mayor Klarex ang ‘third party’ proposal atol sa iyang programa, ‘Inyong Alagad, Mayor Klarex Uy’ niadtong milabay’ng Biyernes, Mayo 3.
News and photo courtesy of CIO CDO