Mokabat sa P6.3milyones nga kinatibuk-ang kantidad ang gibayad sa Provincial Government ngadto sa 153 ka mga benepisyaryo sa Plant Now Pay Later (PNPL) Program ni Governor Victor Yu isip bayad sa ilang abot sa mais. Personal kining gitunol ni LPEC President Joseph Yu kauban si Provincial Agriculturist Dante Lao-ay ngadto sa mga nasangpit nga mag-uuma, Oktubre 11, 2024.
Human sa pag-harvest sa ilang mais, paliton mismo sa Post-Harvest Processing and Trading Facility ang ilang abot sa makatarunganon nga presyo.
Ang programang (PNPL) nagtanyag og soft loan package sa mga interesadong mag-uuma diin hatagan sila og farm inputs (abono, hybrid seeds, glyposate) nga walay interest.
Malipayon ug mapasalamaton ang mga mag-uuma ngadto sa atong amahan sa lalawigan tungod sa iyang gipakita nga pagsuporta kanila pinaagi sa maong oportunidad nga mapalambo ang ilang panginabuhian.
(Source: Victory Zamboanga del Sur Facebook page)