General Santos City –Â Arestado ang 43-anyos nga lalaki nga nalakip sa listahan sa High Value Individual nga may kalambigitan sa ilegal nga drugas human napaakan atol sa buy bust operation sa mga polis sa Regional Police Drug Enforcement Unit (RPDEU) 12 sa may Purok 8, Brgy. Poblacion, Tupi South Cotabato.
Giila ang dinakpan nga suspek nga si alyas “Sa-ed” residente sa Datu Abdullah Sangki Maguindanao Province.
Sa report sa RPDEU 12, nasakmit gikan sa suspek ang 109.7 gramos sa gituohang shabu nga gibanabanang mobalor og Php745,960. Nakuha usab gikan kang Sa-ed ang Usa ka libo nga genuine peso bills, ug 9 Usa ka libo nga peke nga peso bills nga gigamit isip boodle money.
Kasong paglapas sa RA 9165 o Comprehensive Dangerous Drug Act of 2002 ang atubangon sa suspek.