Tagsulti ni Engr. Benjamin Ensomo Jr., an general manager nan Surigao Metropolitan Water District na isa sa prioridad nan water district kuman na tuig an pag-angkon nan solusyon sa problema sa dali na pag-lubog nan tubig, hinungdan sa pag-utod nan serbisyo sa pipila ka higayon labi na sa panahon nan pag uyan-uyan.
Matud pa ni Engr. Ensomo na an pag-angkon nan water clarifier nga nagkinahanglan nan dako-dako na pondo an nag-una sa mga tinguha nan SMWD. Laong nan ini na mokabat ngadto sa gatusan ka milyon ka pesos kapin an kinahanglanon nan nahisgutang water district para makahimo nan clarifier. Dugang pa sa nasangpit na posible na sa dili pa mahuman an tuig 2019 jaon nay ila clarifier na mosulbad sa problema sa turbidity kun kalubog nan tubig.