Pag-review sa lease contract ng UP at Ayala Land suportado ni Pang. Duterte

Suportado di umano ng Pangulong Rodrigo Duterte ang pagpapa review sa lease agreement sa pagitan ng University of the Philippines at Ayala Land Inc. para sa Technohub Property sa Quezon City.

Ayon kay Presidential Spokesman Salvador Panelo, umayon sa kanyang rekomendasyon ang Pangulo matapos mapag alaman na mas maliit pa sa bente pesos kada square meter kada buwan ang upa ng Ayala Land sa lupa ng U.P.

Sinabi ni Panelo na wala namang masama kung ireview ang kontrata at marinig ang opinyon ng pamahalaan tungkol sa nilalaman nito.