Tagsulti ni Atty. Jerry Centro, an Surigao City administrator na basi a feedbacks nan mga representante nan mga delegasyon na nag-atendir sa meeting na tagpatawag nan Host division, malaong na plastado pa an kinatibuk-an na sitwasyon sa pag-host nan regional sports competition.
Hinuon sumaya pa na may mga pipila ka panghitabo an laong pa naka-daot sa marajaw na unta na pag-akomodar sa mga bisita. Una na dinhi an mga reports sa sobra na sukot sa pamilite sa mga sakjanan de pasahero-an pareho nan traysikol sanan mga multicabs. May report isab nan kawat na padajon pa na tag-trabaho nan mga kapulisan.
Sa mga ini na sitwasyon tagalong ni Atty. Centro na may taghimo na na-koordinasyon ngadto sa mga ahensiya na hingtundan para kalikayan na ma-utro pa na mahitabo an dili mga angayan mahitabo.