Gipanawagan sa buhatan sa Business Permits and Licenses Division, sa Mayor ning siyudad ang tanang mga mga negosyante sa pagpa-renew sa ilang mga business permits alang ning kasamtangang tuig.
Kining maong pag-awhag ang gihimo sa maong buhatan, para sa pag-uswag sa deadline alang niini, isip usa ka pamaagi sa usa ka resolusyon gikan sa Sangguniang Panlungsod.
Matud pa sa dugang nahibaloan nga ang deadline alang sa renewal sa mga business permits ang gilugway hantud na sa Pebrero 29, ning tuiga, gikan sa nasugdan niini nga skedyul nga Enero 20, sa matag tuig.
Matud pa nga ang pag-uswag sa deadline may kalabot na niini ang gipalig-on sa Resolusyon No. 24-754 nga giduso ug na-aprobahan niadtong miaging Enero 16, 2024. Ang sibog sa petsa sa deadline alang na sa maong katuyu-an nga walay ipatong nga tubo o interest nga 2% sa matag bulan ug surcharge nga 25% sa tibuok tuig.
Ug matud pa nga ang baynte (20) ka adlaw nga gihatag alang sa pagpang-renew sa tanang lisensiya sa mga negosyante ang kulang alang sa mokabat 5,142 nga mga negosyante nga gihatagan sa lisensiya, hinungdan ang Sangguniang Panlungsod, pinasikad ni konsehal Eduardo Baron ang mipasibog alang sa pag-uswag sa deadline sa renewal sa mga business permits dinhi sa atong siyudad, ug kini malamposong ug na-aprobahan atol sa gipahigayon nga regular nga sesyon niini niadtong nakalabay nga Enero 16, 2024.
(Angelica T. Obina)
(Source: Dipolog City Government Facebook Page)