Gipanghingusgan ni General Santos City Councilor, Atty. Jose Edmar Yumang nga walay iligal sa gihimo sa city government nga paggahin og pondo sa mga bayrunon niini kalabot sa Covid-19 response.
Gihimo ni Yumang ang pagpaklaro atubangan sa padayong kuwestyon sa naaprubahang ₱ 232-million supplemental budget sa siyudad.
Partikular sa dakong hisgutanan ang ₱ 20-million nga gigahin alang sa “central kitchen”.
Pagpasabot pa sa konsehal, nahutdan og pondo ang LGU hinungdan nga napugos kini sa pagpangutang, gani kinahanglang bayran niini ang maong obligasyon.
Gawas sa pagkaon, nadelatar usab ang bayad sa city government sa mga hotels nga gihimong temporary quarantine facilities, diin mokabat sa ₱ 11-million ang obligasyon.
“We have a budget from January to April. Pagkatapos ng Mayo, wala na, kaya nangutang na sila. Can they do that? Can we do that? Yes, because what is being appropriated is to pay the existing obligations of the present year,” ang tipik sa pagpaklaro sa konsehal. (John Rey Somido)