31.9 C
Manila
Thursday, March 28, 2024

Pag Abot Kan Bangkay Bicolanong Red Cross Volunteer Na Kabali Sa Laguna Plane Crash Pinaglalaoman Ngunian

- Advertisement -

Pinaglalaoman ngunian an pag-abot kan bangkay ni kirk badiola sa saiyang tinubuan na lugar sa banwaan nin baao, camarines sur matapos na makabali sa disgrasya kan nagtalikod na domingo duman sa calamba plane crash.

Ini an kinompirmar kan saiyang mga saidiring tawo matapos na maka-olay kan radyo ronda matapos na maatraso an flight kan eroplano huli sa kamugtakan nin panahon, alagad sa pagluwas sa par kan typhoon liwayway dagos na ining maibabayahe pasiring sa legazpi airport saka dadarahon sa camarines sur.

Labi-labi an kamunduan kan saiyang ina na sarong public school teacher na kan nagtalikod na komple anyo kaini binati pa si mrs corazon badiola.

Si kirk iyo an matua sa tulong magturugang asin tinatapos na sana an saiyang volunteer work sa philippine national red cross nganing dagos ng magtrabaho sa luwas kan nasyon.

Pinaglalaoman na an local na gobierno kan baao an matao man nin honra sa pag-abot kan bangkay huli ta minsan man ining nagin volunteer sa local na mdrrmo sa ibang mga banwaan digde sa probinsya.

Magigirumduman na narata an saindang eroplanong pinaglulunadan kan nagtalikod na domingo hali sa mindanao ngani kutang ihatod an australianong pasyente sa ospital sa manila.

Siyam digde an binawian nin buhay kaibahan na an piloto asin co-pilot kan eroplano.

-M. Barayoga

- Advertisement -
- Advertisement -

Related Articles

- Advertisement -
- Advertisement -

Latest Articles

- Advertisement -