Nanumpa atubangan ni Tagoloan Mayor Atty. Nadya Emano Elipe, kinsa usab maoy chairman sa Padayon Pilipino ang mukabat 20 ka mga kapitan, 160 ka mga Brgy. Kagawad, 16 ka mga SK Chairman, ug 101 ka mga SK Kagawad sa Distrito 1 ug 2 ning syudad nga mga bag-ong napili isip mananaog sa nakalabayng Barangay ug Sanguniang Kabataan Election (BSKE 2023) ubos sa hugpong sa Padayon Pilipino.
Samtang, mapasalamaton ang hugpong sa partido Padayon Pilipino ngadto sa mga misalig kanila. Mao kana ang nag-unang unod sa pamahayag nila ni Cong. Lordan Suan, CDO City Councilor Yvy Emano, Councilor Aga Suan, Councilor Jose Pepe Abbu Jr., Councilor Kap Ian Achas kinsa anaa sa maong tigom.
Sa pakighinabi ngadto ni Cong. Lordan Suan ug Konsehal Yvy Emano, ilang gibutyag nga wala pa silay gitudlo nga mangulo o potential isip ABC President nga maoy mulingkod sa konseho apan abli sila sa tanang posibilidad niini.
Written by Cheleste Simene
Photo by Cheleste Simene