Cebu City – Gibutyag ni Health Sectary Francisco Duque III, Lunes, nga ang prolonged lockdown o enhance community quarantine (ECQ) sa certain areas wala magsilbi.
Kini ang gipahibaw ni Duque dihang misayo kini ug biya sa mga participants sa Go Negosyo Forum gumikan sa iyang tambongan nga emergency meeting.
“I have an emergency meeting with DOH (Department of Health) regional directors of Region 7 (Central Visayas) and Northern Mindanao because the prolonged ECQ, there seems no improvement,” matod ni Duque.
“It is really troubling to say the least, dugang ni Duque.
Ang syudad sa Iloilo, lalawigan sa Iloilo, Cagayan de Oro City ug Gingoog sa Misamis Oriental, gibutang sa ECQ gikan sa Hulyo 16 hangtud sa Agosto 7.
Ubos sa ECQ protocol, kadto lang essential trips, ug essential industries sama sa food ug medicine ang gitugtan nga maka operate.
Gidasonan ni Dr. Althea de Guzman sa DOH ang pamahayag ni Duque, ug gibutyag niini nga 42 % sa Covid-19 cases sa nasud mao kadtong mas makatakud nga Delta variant.
Dako kining pagsaka gikan sa 6 % sa buwan sa Hunyo.
Basi sa DOH online tracker, dunay 8, 884 ka mga active Covid-19 cases sa Central Visayas ug 5,157 ka mga active cases sa Northern Mindanao as of August 22.
Sa pagka karon, duna lay 12.8 million ka mga Filipino ang na fully vaccinated batok sa Covid-19, layo pa kini sa target nga 76.3 million sa kataposan sa tuig, aron pagkab-ot sa herd immunity. (Jhon Tadlip)
(Source: Department of Health, photo courtesy of Presidential Communications)
