Pinaplantsa na ng Top Rank ang posibleng welterweight showdown sa ring nina unbeaten American Terence Crawford at ni boxing champ Manny “Pacman” Pacquiao.
Ito ang kinumpirma ni Top Rank chief executive Bob Arum, may mga tentative talks o mangilan-ngilang pag-uusap na aniyang ginawa ang pamunuan kaugnay sa labang Pacquiao-Crawford sa ring bago pa man masuspinde ang lahat ng mga sporting events dahil sa banta ng coronavirus disease 2019 (COVID-19) pandemic.
Dagdag pa ni Arum, magaganap sana ang naturang laban sa ring bago matapos ang taong ito.