Pacquiao simula na ang ensayo para sa laban kay Thurman

Nagsimula na ang sparring session ni fighting-senator Manny Pacquiao para sa nakatakda niyang laban kontra kay Keith Thurman.

Sa pangalawang araw ng kanyang sparring session, kitang kita ang focus ni Pacquiao para puspusang makapaghanda sa kanyang darating na laban.

Sparring partner ng fighting senator ang 24 anyos na si Tim Tszyu, anak ni Australian boxing legend na si Kostya Tszyu.

Napili si Tszyu dahil copy-cat o katulad ito ng istilo ni Thurman na nakatakdang kalabanin ni Pacquiao sa Hulyo 21, araw dito sa Pilipinas.