Cebu City – Nadepensahan ni Cuban Yordenis Ugas ang iyang WBA World Boxing Association Welterweight championship belt batok ni Pambansang Kamao Manny Pacquiao via unanimous decision.
Ania ang scores nga gihatag sa mga hurado:
- 115-113
- 116-112
- 116-112
“I’m excited, I wanna thank Manny Pacquiao for giving me this moment in the ring today. I’m the champion of the WBA and I showed you tonight, mensahi ni Yordenis Ugas sa post-fight interview.
Samtang si Pacquiao mipaambit sab sa iyang mensahi ngadto sa iyang mga fans.
” I will make an announcement next month. I know that I’m facing a big problem (which) is more difficult than boxing, but I want to help people,” matod ni Pacman
Nangayo ug pasaylo si Manny sa iyang mga boxing fans sa pakyas niini pagkuha ug balik sa iyang WBC super welterweight title gikan ni Ugas.
“I’m sorry we lost tonight, but I did my best,” dugang ni Pacquiao.
Apan bisan pa man sa kapildihan ni Pacman batok sa Cuban, pabilin kining gintan-aw nga global boxing legend.
Mabitbit ni Pacman ang guaranteed take home nga $5 million, mas gamay kini kon itandi sa iyang unang mga sangka.
Samtang sa undercard sa maong duwa, gipaka tug ni Boholano Boxing Warrior Mark Magsayo ang iyang kontra nga si Juliu Ceja sa 10th round.
Sa sayong round unang nahagba si Ceja sa kumo ni Magsayo.
Pabilin nga way pildi Magsayo. (Jhon Tadlip)
(Source: One Pacman, photo courtesy of AFP and CNN)
