Pabahay para sa Yolanda victims nasa 70 porsyento nang kumpleto

Nasa 70 porsyento nang kumpleto ang pabahay ng gobyerno para sa mga nasalanta ng Bagyong Yolanda.

Ito mismo ang ibinida ni Cabinet Sec. Karlos Nograles kung saan sinabi nito na puspusan ngayon ang trabahong NHA o National Housing Authority upang tuluyan nang makumpleto ang pabahay para sa mga biktima ng Bagyong Yolanda matapos ang pananalasa nito noong taong 2013.

Aniya, ilang munisipyo ang nagka problema sa pagsasagwa ng housing units ngunit tiwala pa rin naman si Nograles na matatapos ang pabahay sa deadline na itinakda ni Pangulong Rodigo Duterte na hanggang sa Disyembre lamang ng taong 2019.