El mga autoridad ya confisca P9.1 millones valor de droga ilegal na serie de operaciones contra droga desde Enero 1, este año, na Zamboanga Peninsula.
Asegun con Police Brigadier General Roel Rodolfo, el director del mando regional del policia, o Police Regional Office (PRO-9), ya conduci sila el total de 172 operaciones contra droga, que ya resulta na aresto de 188 suspechao, incluido sinco individuales de alto valor, o HVIs.
Si Rodolfo ya habla, este operaciones ya resulta na confiscacion de cantidad sustancial de droga ilegal, con el estandarte precio de droga na valor de P9,108,506.80.
Si Rodolfo ya habla, el uno de mas notable operaciones ya conduci del February 5 na Phase 3, Sitio Asinan, Barangay Kasanyangan, ciudad de Zamboanga, que ya resulta na aresto de dos, el confiscacion de 11 termosellada transparente plastico sobrecitos contenido algun P3,740,000 de suspechao shabu y el recubrida de un caliber .38 revolver con cuatro bala.
Si Rodolfo ya habla, el serie de exitosamente estrategico operaciones contra droga desde Enero 1 ya marca un significante esfuerzo na peleya contra comercio de droga ilegal na Zamboanga Peninsula.
Si Rodolfo ya omenta, ta continua sila intensifica el campania contra droga ilegal, reinforsando de ila dedicacion para asegura el seguridad y bienestar del publico. (B. Garcia)