Ang minimum wage earners sa Northern Mindanao posibleng makadawat sa dugang suhulan tungod sa pag-approved sa ilang level sa Regional Tripartite Wages and Productivity Board RTWPB sa P27 nga wage increase niadtong Lunes, October 1, 2018 ang uswag sa tanang kategoriya.
Matud pa ni Nicandro Borja, ang director for operations sa Associated Labor Unions- Trade Union Congress of the Philippines- Associated (ALU-TUCP) nga ang 27 pesos nga usbaw gipaabot pa nga aprobahan sa National Wages and Productivity Commission sa Manila. Suma pa ni Borja, ang increase sa suhulan ilang gibase sa inflation rate.
Sa higayon nga maaprobahan na sa NWPC and maong wage increase, moapekto kini 15 ka adlaw tapos ipublikar sa mantalaan nga adunay general circulation.
Hinuon dili pa gyod sufficiente ang maong usbaw, dugang ni Borja sa nagmahal nga palaliton karon apan malaumon sila nga mapataas pa ang suhulan sa sunod nga higayon.
Nasayran nga ang labor group misang-at sa petisyon nga magpatuman sa P320 across-the-board wage increase alang sa private sector workers dinhi sa rehiyon.
