Cagayan de Oro – DAKO ang pasalamat ni Mayor Rolando “Klarex” Uy sa P1 million grant gikan sa Philippine Amusement and Gaming Corporation kon PAGCOR alang sa reading program sa mga pampublikong tunghaan ning syudad.
Ang turnover ceremony gipahigayon Lunes sa buntag atol sa usa ka simpleng programa nga gitambongan mismo sa mga opisyales sa Pagcor ug ni Ms. Aimee Marcos, kinsa maoy instrumento sa maong donasyon pinaagi usab sa Local School Boad (LSB).
Sa mensahe ni Mayor Klarex Uy, iyang gipasabot ang kamahinungdanon sa edukasyon sa mga kabataan sanglit makatabang kini paghaw-as sa kalisod nga ilang nasinati.
Gipasalamatan usab ni Mayor Klarex si Ms Aimee Marcos sa suporta niini sa syudad ug dakong panglantaw sa pagpalambo sa edukasyon sa mga kabataan susama sa dakong tinguha sa iyang administrasyon.
Samtang gipasalig usab ni Mr. Eric Balcos, Asst Vice President II sa Community Relations and Services Department sa Pagcor, nga sinugdanan pa lamang kini sa ilang pakiglambigit ug partnership sa kagamhanang lokal ning syudad alang sa daghan pang proyekto nga ihatag niini. .
Lakip sa misaksi sa turnover ceremony si City Councilor Suzette Magtajas-Daba, City Councilor George Goking, Schools Division Superintendent Roy Angelo Gazo, Chief of Staff Ms. Shiela Lumbatan, City Administrator Roy Hilario Raagas ug mga department managers sa City Hall.
News and photo courtesy of CIO CDO